人貓傷

今日，是牛王頭的飯團拆線的日子。由出門到診所，飯團都比我想像中乖。可能因為咁，我的警戒心同情緒亦鬆弛下來。

去到診所，護士小姐已嚴陣以待，桌子上放了毛巾及厚手套。獸醫先用毛巾把飯團蓋好，只露出耳朵部分，我怕飯團又發蠻力，又想給牠知道我是在身邊，亦不想因為獸醫無法拆線而要把飯團鎮靜，於是我就輕輕圍住牠。

就獸醫拆除最後一條線的時候，飯團痛而尖叫，而我亦都慘叫了一聲。人貓叫聲嚇得正在鄰室診症的年青獸醫去過來看看什麼事。我緩緩把手從毛巾下舉給獸醫看，原來飯團送我我3個血洞，鮮血不停從血洞滲出。年青獸醫立即走過來帶我去消毒，護士小姐就叫我密切留意傷口，有什麼不妥就要睇醫生…

飯團就繼續給獸醫檢查，一眾護士小姐不停輕撫飯團︰「係啦，乖啦飯團，我知你嬲啦…」可能飯團「知衰」，只是嗚嗚低鳴。

獸醫認為飯團仍然要吃藥亦給我消毒藥水，藥片呢，是貓吃；藥水呢，是人用的，今次真係人貓有份，永不落空。護士小姐還讓我記下藥水的名字，以便我要睇醫生的時候可以給醫生參考。

都係果句，飯團，你現在病病，你大哂…

**
後記: 手指現在腫如豬手，屈不埋。睇了醫生吃了藥。

2007-12-15後補照片，手指真的腫大，沒有冤枉牠。